tumhen qasam hai

mizaj barham
 khafa sa kehja
udaas chehra
naraz aankhen
 wajah jo poochi mein nay us say

jaan meri....!udaas kyun ho?
kyun ho barham
 naraz kyun ho
bhar kay uchhleen aankhen uski
 larkhara kay galay laga kar
 mujh say boli
kahan gaey thay?kyun gaey thay?
mujhay batao
tumharay bin jo baybasi thi

elaaj us ka bata kay jatay
tum jo bichhro
kahan mein dhoondun
suraagh apna bata kay jatay
 tumhen pata tha
tumharay bin mein
aik pal bhi reh nhi sakti
chaahay  bichhray duniya saari
teri judai seh nhi sakti
 tumhen qasam hai
 ab na jana
mar jaaun gi tumharay bin mein
chalo ab mujh say waada kar lo
 kahin bhi jaao
kabhi bhi jaao
sath mujh ko lay kay jana
phir say mujh ko saza na dena
tumhen qasam hai