khud say anjaan ho gaey hain hum
teri pehchaan ho gaey hain hum
maan kar aap ko khuda apna
ahal e emaan ho gaey hain hum
us nay maathay pay hont rakhay hain
aur bay jaan ho gaey hain hum
her koi,kyun kathin sa lagta hai
jab say aasaan ho gaey hain hum
dharkanain goonjti hain seenay men
itnay sunsaan ho gaey hain hum
aik mehfil ko yaad kar kay hassan
barray veeraan ho gaey hain hum
No comments:
Post a Comment