figaar paaoN meray, ashk naarsa meray

figaar paaoN meray, ashk naarsa meray
kahiN to mil mujhay ay gumshuda khuda meray

meiN shamma-e kushta bi tha subh ki naveed bi tha
shikast meiN koi andaaz dekhta meray

wo dard-e-dil meiN mila, soz-e-jism-o-jaaN meiN mila
kahaN kahaN ussay doonDha jo saath tha meray

her ik kay sheyr meiN maiN us ka ux dekhta hooN
meri zabaaN se jo ash’aar lay gaya meray

safar bhi meiN tha musafir bhi meiN tha rah bhi meiN
koi nahiN tha kaRray kaus ma’siva meray

wafa ka naam bhi zinda hai mein bhi zinda hooN
abb apna haal suna mujh ko bewafa meray

wo chaaragar bhi ussay dair tak na pehchaana
jigar ka zakham tha naghmoN meiN dhal gaya meray