yeh kis kay sog mai shorida haal phirta hoo’n

yeh kaun doob gaya aur ubhar gaya mujh main
yeh kaun saaye ki suraat guzar gaya mujh main

yeh kis kay sog mai shorida haal phirta hoo’n
woh kon shakhs tha aisa keh mar gaya mujh main

ajab hawa-e-baharaa’n nay chara-saazi ki
woh zakhm jis ko na bharana tha bhar gaya mujh main

woh aadmi keh jo pathar tha jee raha hai abhi
jo aaina tha woh bikhar gayaa mujh main

misaal kya keh woh jab bhi kareeb say guzara
to youun laga keh koi raqs kar gaya mujh main

woh sath tha to ajab dhuup chanaoo rehti thi
bas ab to ek hi mausam thehar gaya mujh main