Yeh weham nahi to kya hay, yeh gumaaN nahi to kya hay

Yeh weham nahi to kya hay, yeh gumaaN nahi to kya hay
yeh jo dil say utth raha hay, yeh dhuwaaN nahi to kya hay

tujhey kis dard ka rishta meray dar pay kheyNch laaya
tujhey kis nay keh diya tha meray paas har dawaa hay

teray kisi dukh ka chaaraa meray haath meiN nahi hay
meiN to khud bekaraaN hooN merey paas kya dharaa hay

abhi bastiyaaN yaheeN heiN, tu loat jaa yaheeN say
meray saath saath na chal tu, ye bohat barra juwa hay

tujhay kya khabar ay hamdam keh teri aarzu kay badly
meray dil pay jo laga tha, ab tak wo zakhm haraa hay

par gila nahi hay tujh say, meray khaloos meiN hi kami hay
meiN ney jisay bhi dil say chaaha, usay laga keh wo khuda hay

meiN koi waaqeya nahi hooN, mujhey is tarha na socho
meri daastaaN ko chorro, bhala is meiN kya maza hay

tu laot kay aa gayaa hay, par mera dil to bujh chuka hay
ab tu kisi aur say pyaar kar ley, bas yehi teri sazaa hay