Dukhon Ki Shiddaten Zakhmon Ki Gehraii Mujhey Dey Do
Maseeha Tum Sahii Izn E Maseehaii Mujhey Dey Do
Tum Apni Zaat Men Khud Anjuman Ho Tum Ko Kaya Gham Hai
Main Tanha Hoon Yeh Zouq E Bazm Aaraii Mujhey Dey Do
Tum Apney Dil Key Darwazey Mukaffal Shoq Sey Kar Lo
Bas Apni Zaat Sey Izn E Shanasaii Mujhey Dey Do
Tumharey Baad Har Manzar Mujhey Be-Rang Lagta Hai
Yeh Aankhen Chheen Lo Ya Apni Beenaii Mujhey Dey Do
Main Saanson Men Samo Loon Ga Tumharii Har Amanat Ko
Yeh Wehshat-Naak Sannatey Yeh TANHAII Mujhey Dey Do
Meri Shohrat Tumharey Kaam Aa Jaye To Haazir Hai
Tumhen Duniya Ney Bakhshii Hai Jo Ruswaai Mujhey Dey Do
Main Shaayar Hoon Meray Be-Kaif Be-Taseer Lafzon Ko
Amar Kar Do Tum Apney Ghum Kii Ra’anaii Mujhey Dey Do
Pakistan Rupee Exchange Rate
No comments:
Post a Comment