ہم تیرے ضبط پہ حیران ہوا کرتے ہیں

جدا ہونا مقدر تھا

اک ہنس برانی یادوں کا

Tum pukaro to sahi loat kay aa jaayen gay

Hum is qadar bhi nhi apni anaa kay taabey
Tum pukaro to sahi loat kay aa jaayen gay

تیرے بدلنے پہ کیا گلہ

سردیوں کی بارش تو آگ جیسی ہوتی ہے

میرے دل سے بھی گزرتی ہے کوئی نہر فرات

کربلا کوئی فسانہ نہ فسوں ہے ، یوں ہے

یہ تو اک سلسلہ کن فیکوں ہے یوں ہے

میرے دل سے بھی گزرتی ہے کوئی نہر فرات

میری آنکھوں میں جو یہ موجہ خوں ہے ، یوں ہے

ذکر آیا تھا ابھی حضرت زینب کا کہیں

’’ تو نے پوچھا تھا نمی آنکھ میں کیوں ہے ، یوں ہے‘‘

قیمت خلد ہے اک اشک عزائے شبیر

اب کوئی لاکھ یہ کہتا رہے یوں ہے ، یوں ہے

ان کی کوشش غم شبیر فنا ہوجائے

اور یہ غم کہ فزوں اور فزوں ہے، یوں ہے

پھر ہوئے مجھ کو عطا حرف پئے مدح و سلام

ان پہ روشن مرا احوال دروں ہے ، یوں ہے

قبر میں ہوگی زیارت مجھے مولا کی عقیل

موت جو میرے لیے وجہ سکوں ہے ، یوں ہے

Main Tasavur Hoon Meri Koi Bhi Tasveer Nahin

Phir Milen Ya Na Milen La'al Keh Gohar Mujh Men
Ik Dafa Chhaan Kay To Dekh Samandar Mujh Men

Main Tasavur Hoon Meri Koi Bhi Tasveer Nahin
Tu Musawir Hai To Ehsaas Ka Rang Bhar Mujh Men 

Apni Taaser Ka Daawa Hai Kiya Kab Main Ney
Main To Zulmat Hoon Chamak Uthtey Hain Akhtar Mujh Men

Ghar K Koorrey Ki Terha Phainka Gaya Hoon Bahir
Tu Woh Chuun Ley Jo Nazar Aata Hai Behtar Mujh Men 

Ay Barahman Mujhay Itna Bhi Namaskar Na Kar
Cheekh Uthey Na Kahin Zaat Ka Shoodar Mujh Men

Main To Ik Jheel Ki Tarha Say Hon Paband-o-Khamosh
Lehren Aa Jati Hain Jab Girtey Hain Kankar Mujh Men

راز

چاند نکلا ہے 

چاندنی لے کر

اور تاروں کا رقص جاری ہے

پھول ہی پھول کھل گئے ہر سو

کیف سا اک جہاں پہ طاری ہے

ایک کمرے کی کھلی کھڑکی سے

تک رہی ہوں میں راستہ تیرا

اور

ہیہ سوچ رہی ہوں کب سے

تیری فرقت میں اے مرے جاناں

کیوں مرے دل کو بےقراری ہے؟

تیری تصویر کیوں ہے آنکھوں میں

تیری خوشبوسی کیوں ہے سانسوں میں

کیوں تیرے لمس کے تصور سے

بے خودی آج مجھ پہ طاری ہے؟

سُرخ گُلابوں کے موسم میں

بہت بے رنگ سے دِن ہیں  
ترے گُلنار گالوں کے گُلابی پھول کِھلتے ہیں
نہ تیرے پُھول ہونٹوں سے
مِلن کی شوخ باتوں کے سُنہری رنگ میں لپٹی
کوئی تتلی ھی اُڑتی ہے
نہ دِن کے زرد کاغذ پر تری تصویر بنتی ہے
نہ شب کی کالی چادر پر تری آنکھیں چمکتی ہیں
نہ تیری مُسکراھٹ کی کِرن ملنے کو آتی ہے
رگوں کے سرد غاروں میں
اُداسی جمتی جاتی ہے
ترے گُلنار گالوں کے گُلابی پھول کِھلتے ہیں
نہ تیرے چہرے کے پل پل بدلتے رنگ ملتے ہیں
حریم ِ ذات میں جاناں 
بہت بے رنگ سے دِن 

ایک سہمی ہوئی نظم

Ab key mein teri aankh men bhais badal kay aauun ga!

Khawaab kay roop men nhi ashk men dhall kay aauun ga
Ab key mein teri aankh men bhais badal kay aauun ga!
Sholon bhara safar sahi,aag ki rehguzar sahi
Aap bulaayen gay to mein aag pay chal kay aauun ga

مجھے بے رنگ رہنے دو

اسے لبھا نہ سکا میرے بعد کا موسم

لبوں پر حرف رجز ہے زرہ اتار کے بھی
میں جشن ِ فتح مناتا ہوں جنگ ہار کے بھی

اسے لبھا نہ سکا میرے بعد کا موسم
بہت اداس لگا خال و خد سنوار کے بھی

اب ایک پل کا تغافل بھی سہہ نہیں سکتے
ہم اہل دل کبھی عادی تھے انتظار کے بھی

وہ لمحہ بھر کی کہانی عمر بھر میں کہی
ابھی تو خود سے تقاضے تھے اختصار کے بھی

زمین اوڑھ لی ہم نے پہنچ کے منزل پر
کہ ہم پہ قرض تھے کچھ گردِ راہگزار کے بھی

مجھے نہ سن مرے بے شکل اب دکھائی تو دے
میں تھک گیا ہوں فضا میں تجھے پکار کے بھی

مری دعا کو پلٹنا تھا پھر ادھر محسن
بہت اجاڑ تھے منظر افق سے پار کے بھی

ایک پُرہیبت سکوتِ مستقل آنکھوں میں تھا

جِسم تپتے پتھروں پر، رُوح صحراؤں میں تھی
پھر بھی تیری یاد ایسی تھی کہ جو چھاؤں میں تھی

ایک پُرہیبت سکوتِ مستقل آنکھوں میں تھا
ایک طغیانی مسلسل، دل کے دریاؤں میں تھی

ہم ہی ہو گزرے ہیں خود اپنے شہر اجنبی
وہ جہاں بھی تھی وہاں اپنے شناساؤں میں تھی

اِک صدا سی برف بن کر گِر رہی تھی جسم پر
ایک زنجیرِ ہوا تھی، جو میرے پاؤں میں تھی

جب تک میں تیرے دل کی محبت سرا میں ہوں

دُنیا سے بے نیاز ہوں اپنی ہوا میں ہوں

جب تک میں تیرے دل کی محبت

سرا میں ہوں 

اِک تخت اور میرے برابر وہ شاہ زاد

لگتا ہے آج رات میں شہرِ سبا میں ہوں

خُوشبو کو رقص کرتے ہوۓ دیکھنے

لگی

سحِر بہار میں کہ طِلسمِ صبا میں

ہوں 

اس دل کو جب سےغم کی ضمانت

میں دے دیا

اُس وقت سے کسی کے حصارِ دُعا میں ہوں

Kamray Men Hai Bikhra Hua Saaman Waghera

Kamray Men Hai Bikhra Hua Saaman Waghera
Khatt, Khawab, Kitaaben, Gul-o-Guldaan Waghera

In Men Sey Koi Hijar Men Imdaad Ko Aaye
Jinn, Dev, Pari, Khizar, Ya Luqman Waghera

Tu Aaye To Gathrri Men Tujhey Baandh K Dey Duun
Dil, Jaan, Nazar, Soch, Yeh Emaan Waghera

Bas Ishq Kay Muqaddar Sey Zara Khaufzada Huun
Jhela Hai Bohat Wesey To Nuqsaan Waghera...

اَن سُنے لفظ

کسی ریگزار کی دھوپ میں وہ جو قافلے تھے بہار کے 
وہ جو اَن کھلے سے گلاب تھے 
وہ جو خواب تھے میری آنکھ میں 
جو سحاب تھے تیری آنکھ میں 
وہ بکھر گئے، کہیں راستوں میں غبار کے ! 
وہ جو لفظ تھے دمِ واپسیں 
میرے ہونٹ پر 
تیرے ہونٹ پر 
انہیں کوئی بھی نہیں سُن سکا 
وہ جو رنگ تھے سرِ شاخِ جاں 
تیرے نام کے 
میرے نام کے 
انہیں کوئی بھی نہیں چُن سکا۔ 

درد کے مرحلے تمام ہوئے

دوست بن کر جو کل ملا تھا مجھے

کتنا بے چین کر گیا ہے مجھے

وہ تھا خوشیوں کا ایک سوداگر

جو مجھے کل ملا تھا رستے میں

میری آنکھوں میں آنسوؤں کے نشاں

صاف کر کے بڑی محبّت سے

میرے ہاتوں میں پھول پکڑآ کے

جھک کے اُس نے کہا تھا ہولے سے

اب سُنو، میری پوری بات سُنو

صبح ہوتی ہے اُس طرف دیکھو

درد کا سب سفر تمام ہوا

دوست! آج کے بعد تم نہ روؤ گی

میں نے سچ مان لی تھی بات اُس کی

آنسوؤں کی جھڑی میں ہنس دی تھی

آج پھر دُکھ بھرا اکیلا دن

کرب کی رات درد کے سپنے

زینہ زینہ اُترتے آتے ہیں

شام ڈھلتی ہے پھر اُفق کے پار

آنسوؤں کے چراغ جلتے ہیں

کون جانے وہ منچلا ہنس مُکھ

کون سے شہر کس گلی میں ہو

پھر کوئی میرے جیسی لڑکی ہو

جو اُسے دوست ہی سمجھتی ہو

جس کو وہ پھر نوید دیتا ہو

لو سُنو، میری پوری بات سُنو

دوست درد کے مرحلے تمام ہوئے

آج کے بعد تم نہ روؤگی

اُس کو عادت ہے دُکھ بٹانے کی

پھول دینے کی، دوست کہنے کی

اور پھر قول بھول جانے کی

تمہاری بے رخی پر بھی تمہاری آرزو کرنا

مجھے اچھا سا لگتا ہے
تمہارے سنگ سنگ چلنا
وفا کی آگ میں جلنا
تمہیں ناراض کر دینا
کبھی خود بھی روٹھ جانا

تمہاری بے رخی پر بھی 
تمہاری آرزو کرنا
خود اپنے دل کی دھڑکن سے
تمہاری گفتگو کرنا

مجھے اچھا سا لگتا ہے

بہت اچھا سا لگتا ہے
تمہی کو دیکھتے رہنا
تمہی کو سوچتے رہنا

بہت گہرے خیالوں میں
جوابوں میں، سوالوں میں
محبت کے حوالوں میں
تمہارا نام آ جانا
مجھے اچھا سا لگتا ہے

اتنی سی اِک دُعا ہے

اتنی سی اِک دُعا ہے
حسیں چاہتوں کے پھول بخشے، عروج بخشے
تمھاری دُنیا میں روشنی ہو
تمھاری محفل میں خوشیاں ہوں
تمھارے ہونٹوں پہ مُسکراہٹ
کبھی بھی تم تک دکھوں کی دستک نہ پہنچ پائے
تمھاری آنکھوں میں جو ستارے چمک رہے ہیں یونہی چمکتے رہیں ہمیشہ
تمھاری دل تک جُدائیوں، بےوفائیوں کی کوئی اندھیری کِرن نہ 
پہنچے
خُدا کرے کہ ہر اک دل کاقرار لُوٹو
مگر تمھاری پر اک تمنا پر اک خواہش
تمھاری ہونٹوں تک آتے آتے
تمھارے قدموں تک آن پہنچے
جو ہوسکے تو تمھارے حصے کے سب غموں کو میں اپنے اندر اُتار 
لوں
یہ ممکن تو نہیں، لیکن دُعا تو میرا حق ہے
یہ مختصر سی دُعا کا تحفہ سنبھال رکھنا
میری اندھیروں کی فکر چھوڑو
تم بس اپنا خیال رکھنا ۔۔۔

اُسے کہنا

اُسے کہنا کہ اب وہ بارشوں کے موسم میں
دِل کے بند دریچوں کو وا نہیں کرتی

اُسے کہنا کہ اب وہ تتلیاں پکڑنے کو
کسی سر سبز جزیرے پر جایا نہیں کرتی

اُسے کہنا کہ اب وہ زندگی کے موضوع پہ
کوئی ترنم ریز نغمہ چھیڑا نہیں کرتی

اُسے کہنا کہ اب وہ موجوں کے تلاطم سے
عہدِ ماضی کی طرح گھبرایا نہیں کرتی

اُسے کہنا کہ اب وہ نرم خوابوں کی سر زمین پہ
گلاب کے سپنے سنجویا نہیں کرتی

اُسے کہنا اب وہ اپنے آنگن کے موتیا کو
کسی گجرے کے گہنے میں پرویا نہیں کرتی

اُسے کہنا کہ اب وہ سرد اور تاریک راتوں میں
جاگتی تو رھتی ھے ، رویا نہیں کرتی

پچھتاوا ​

کیسے کہوں ؟ کس سے کہوں ؟ 
وہ خواب جو سجایا تھا 
عذاب بن کے چھایا ہے 
دشتِ جاں کی چوکھٹ پر 
تنہائی کی وحشت نے 
پھر تیرا سوگ منایا ہے 
ہر شام کے دریچوں پہ 
تمہاری یاد کی شمعوں کو 
اِس دل نے جلایا ہے 
بعد تم سے بچھڑنے کے 
ذہن ودل کی کھیتی میں 
پچھتاؤں کو اُگایا ہے ​

اُسی لمحے اُداسی دہلیز پر اُترتی ہے

کبھی بارش کے موسم میں
ہوائیں شور کرتی ہیں
خیالوں کا موسم بھی
جب ابر آلود ہو جائے
کوئی اُمید کا تارا کہیں
چمکنے سے پہلے ہی بجھ جائے
کسی ویران رہ گزر پر
آہٹ کا ہر امکان مٹ جائے
سکوت مضمحل فضا میں ہر طرف گُھل جائے
گزرتا وقت بھی ٹھہر جائے
اُسی لمحے اُداسی دہلیز پر اُترتی ہے
ہوا تھم سی جاتی ہے
حبسِ جاں اور بڑھتا ہے
دل کسی صورت پھر بہلتا نہیں۔۔۔

تضاد

کتنے کوسوں پہ جا بسی ہے تو
میں تجھے سوچ بھی نہیں سکتا
اتنا بے بس ہوں، تیری سوچ کو میں
ذہن سے نوچ بھی نہیں سکتا
مجھ سے تو دور بھی ہے، پاس بھی ہے
اور مجھے ، یہ تضاد راس بھی ہے

فقط اسے بھلانے کو

میں تو خانقاہوں پہ مانگتا پھرا منّتیں

میں گرہ میں باندھ کے حادثات، نکل پڑا تیری کھوج میں
کہیں تارکول کی تھی سڑک، جہاں آگ بانٹتی دھوپ تھی
کبھی کچی راہ کی دھول میں جہاں سانس لینا محال تھا
سرِ رزمِ جاں کبھی دل کے درد سے ہار کر
میں تو خانقاہوں پہ مانگتا پھرا منّتیں
کبھی رات رات بَسر دعاؤں میں ہو گئی
کبھی قافلے مری آس کے کسی دشتِ یاس میں کھو گئے
میرا پیرہن تھا پھٹا ہوا کہیں گََرد گَرد اَٹا ہوا
میں ادھورے پن کے سراب میں
تجھے دھونڈتا پھرا در بدر
کسی اجنبی کے دیار میں
کوئی دُکھہ ملا کسی موڑپہ، کوئی غم ملا کسی چوک میں
کسی راہگزر کے سکوت میں کوئی درد آکے ڈرا گیا
کبھی چل پڑا، کبھی رُک گیا، کسی کشمکش کے غبار میں
مجھے کیا ملا تیرے پیار میں
میں گرہ میں باندھ کے حادثات
کہیں گُم ہوا تیری کھوج میں

وعدوں کے شہرِطلسمات میں

مجھے مت بتانا
کہ تم نے مجھے چھوڑنے کا ارادہ کیا تھا
تو کیوں
اور کس وجہ سے
ابھی تو تمہارے بچھڑنے کا دُکھہ بھی نہیں کم ہوا
ابھی تو میں
باتوں کے، وعدوں کے شہرِطلسمات میں
آنکھہ پر خوش گمانی کی پٹّی لیے
تم کو پیڑوں کے پیچھے، درختوں کے جھنڈ
اور دیوار کی پشت پر ڈھونڈنے میں مگن ہوں
کہیں پر تمہاری صدا اور کہیں پر تمہاری مہک
مجھہ پر ہنسنے میں مصروف ہے
ابھی تک تمہاری ہنسی سے نبرد آزما ہوں
اور اس جنگ میں
میرا ہتھیار، اپنی وفا پر بھروسہ ہے اور کچھہ نہیں
اسے کُند کرنے کی کوشش نہ کرنا
مجھے مت بتانا۔۔۔

میری اتنی سی خواہش ہے

میری اتنی سی خواہش ہے
کہ میں اک آسماں ہوتا
اور تو میری زمیں ہوتی
میں جھک کر تیرے سارے غم
اپنے کاندھوں پر ڈھو لیتا
تیری تکلیفیں اور کٹھنائیاں
خود میں سمو لیتا
میرے بادلوں سے بارشیں
چھم چھم برستی تو تجھے سیراب کر دیتیں
وہ تیری پیاس کو پی کر تجھے شاداب کر دیتیں
میرے سورج کی کرنیں تجھ پر پڑتی تو
بڑی انمول ہو جاتیں
ہوا سے مل کر نئی اک شکل میں ڈھلتیں
منزل کے بول ہو جاتیں
میں تجھ سے روٹھتا تو تاریک رات ہو جاتا
مگر پھر بھی میرا چندا تیرے ہی ساتھ ہو جاتا
لیکن جاناں! 
میں نے مانا
کہ ایسا ہو نہیں سکتا
نجانے کس کی سازش ہے
مگر پھر بھی میری اتنی سی 
خواہش ہے

محبّت تو خوش گمان ہے

تمہاری انگشتری کے نگ میں
میری محبّت چمک رہی ہے
اگر کبھی یہ گماں بھی گزرے
کہ میں تمہیں بھولنے لگا ہوں
تو اس نگینے کو غور سے دیکھو
میری نگاہوں کی جگمگاہٹ
تمہاری آنکھوں سے یہ کہے گی
،“سنو“
“محبّت تو خوش گمان ہے“
اگر کوئی بغضِ دل کا مارا
تمہارے سینے میں وسوسوں کے
کیسے خنجر اُتارتا ہو
کہ وہ جو دل پھینک و بے وفا ہے
کہ وہ سب پر فریفتہ ہے
کہ وہ جو پردیس جا بسا ہے
تمہیں بھنور بیچ چھوڑ دے گا
وفا کے سب قول توڑ دے گا
چلو بس اب اُس کو بھول جاؤ
تو اس سے پہلے کہ جل بجھو تم
تو اس سے پہلے کہ یہ کہو تم
وہ عہد و پیمان سب غلط تھے
وفا کے عنوان سب غلط تھے
سحر کے امکان سب غلط تھے
تم اپنی انگشتِ مہوش پر
گلاب چہرہ جھکا کے کہنا
سنو، وہ سچ مچ بے وفا ہے ؟
تمہارا روتا سوال سن کر
وہ شوخ نگ مسکرا پڑے گا
تمہارے گالوں کو تھپتھپا کر
حسین انگشتری کہے گی
“سنو“
“محبّت تو خوش گمان ہے“

مجھے تم یاد آتے ہو

تمہیں مدت ہوئی بچھڑے 

ہمیں عرصہ ہوا بھولے 

مگر بارش کے موسم میں 

ہوا جب گنگناتی ہے 

میں اپنے گھر کی چھت سے 

چمکتے چاند کو چھپتے 

گھٹا کی اوٹ میں دیکھوں 

مجھے تم یاد آتے ہو

ابھی تو ہجر کے تاوان میں ہم نے

ابھی تو ہجر کے تاوان میں ہم نے
رہن رکھنا ہے آنکھوں کو
ابھی فرقت کی آتش میں
سلگتی ریت کی
اک لمبی مسافت ہے
ابھی اس خار وادی میں لہو ہونا ہے خوابوں کو
ابھی تم ہاتھ مت چھوڑو

جو مُجھ میں بولتا ہے میں نہیں ہوں

جو مُجھ میں بولتا ہے میں نہیں ہوں
یہ جلوہ یار کا ہے میں نہیں ہوں

کہا منصور نے سُولی پہ چڑھ کر
انالحق کی صدا ہے میں نہیں ہوں

عبا پہنے ہوئے مٹی کی مورت
کوئی بہروپیا ہے میں نہیں ہوں

میرے پردے میں آ کر اور کوئی
تماشہ کر رہا ہے میں نہیں ہوں

جو میں ہوتا خطا مُجھ سے بھی ہوتی
مُجھے ڈر کاہے کا ہے میں نہیں ہوں

جو بولے میخانے میں جا کے بیدم
وہاں نقشہ ہے میرا میں نہیں ہوں

سرد موسم کی سبز بارشوں میں

سرد موسم کی سبز بارشوں میں 
مورنی بن کر ناچوں 
اور 
اپنے رنگدار پروں پہ اپنی ایک ایک خواہش لکھ دوں 
اور 
ھر خواہش میں ایک دعا رکھ دوں 
کہ 
جب بھی میرا ساحر 
میری کتاب عمر کا باب عشق کھولے 
لکھا ھوا ھر صفحے پہ
اُسے ایک ھی نغمہ بے اختیار ملے 
میرے ساحر 
کیا مجھے یاد کیا تھا ؟

میرے بے خواب سے کہنا

میرے بے خواب سے کہنا
کہ اس نے میری آنکھوں میں
یہ کیسا ہجر لکھا ہے
کہ میں اب سو نہیں پاتی
میری آنکھوں میں دکھ صحرا سلگتے ہیں
مگر میں رو نہیں پاتی
میں اپنے بخت کا لکھا
لہو سے دھو نہیں پاتی

میں داسی ڈھولن یار کی

میں داسی ڈھولن یار کی 
میری پوری ہوئی مراد

اک آ کے یار کی قید میں 
ہوا تن، من، دھن آزاد

مری لوں لوں کوکے ہجرمیں 
کرے دم دم دل فریاد

کوئی دردمصلّہ ڈال کے 
میری مسجد کرے آباد

پہلی پہلی بارش میں

میں کہاں مات کھانے والی تھی؟

میں کہاں مات کھانے والی تھی؟
عام موسم یا عام سے جزبے
میری نظروں میں کب ٹھہرتے تھے؟
میرے جزبوں سے کھیلنے والا
جان محفل ۔۔۔ دلوں کا سوداگر
خاص تھا اپنی سب اداؤں میں
روح کے ربط میں شفا جیسا
تھا محبت کی انتہا جیسا
مہرباں تھا تو سانس میں ریشم
بدگماں تھا توـــــــــ انتہا ظالم
نقش گر، باہنر ،کمال کا شخص
بے وفائی میں بے مثال بھی تھا

ھجرِ بد ذات کی باتیں

باتیں بے معنی ھوتی ھیں
عشقِ لا حاصل میں کیا کہیے 
اکثر وجدان و عرفان
پا کربھی
اپنی ذات کی باتیں بے معنی ھوتی ھیں

جب دل میں سویرے ھوں روشن
اِک محرمِ جاں کی یادوں سے
تب ھجرِ بد ذات کی باتیں
بے معنی ھوتی ھیں

جب دل کے بنجر صحرا کو
اشکوں کا پانی راس آتا ھو
وھاں بِن بادل برسات کی باتیں
بے معنی ھوتی ھیں
جذبوں کے کھیل میں
بساطِ حیات پر جب دل
داؤ پر لگتے ھوں

وھاں جیت اور مات کی باتیں
بے معنی ھوتی ھیں

"ﺩﺭﺩ ﮐﯽ ﻟﮯ ﺩﮬﯿﻤﯽ ﺭﮐﮫ"

!ﺍﮮ ﻣﯿﺮﮮ ﺩﻝ
"ﺩﺭﺩ ﮐﯽ ﻟﮯ ﺩﮬﯿﻤﯽ ﺭﮐﮫ"
ﺁﺝ ﭘﮭﺮ ﺭﻗﺼﺎﮞ ﮬﯿﮟ ﺳﻠﮕﺘﯽ ﯾﺎﺩﯾﮟ
ﺳﺮِﺩﺷﺖِ ﺟﺎﮞ ﮐﺴﯽ ﻭﺣﺸﯽ ﮐﯽ ﻃﺮﺡ
ﭘﮭﺮ ﭨﮑﺮﺍﯾﺎ ﮬﮯ ﻓﺼﯿﻞِ ﺟﺎﮞ ﺳﮯ
ﮐﺴﯽ ﮔﻢ ﮔﺸﺘﮧ ﻣﺤﺒﺖ ﮐﺎ ﺟﻨﻮﮞ
ﺩﻭﻧﻮﮞ ﮬﺎﺗﮭﻮﮞ ﻣﯿﮟ ﺍﭨﮭﺎﺋﮯ ﮬﻮﺋﮯ
ﺍﻧﺎ ﮐﺎ ﺑﮯ ﺟﺎﻥ ﻭﺟﻮﺩ،
ﺍﯾﮏ ﮬﺎﺭﮮ ﮬﻮﺋﮯ ﻟﺸﮑﺮ ﮐﮯ ﺳﭙﺎﮬﯽ ﮐﯽ
ﻃﺮﺡ
ﻣﯿﮟ ﭼﭗ ﭼﺎﭖ ﮐﮭﮍﺍﺩﯾﮑﮫ ﺭﮬﺎﮬﻮﮞ
ﭘﮭﯿﻠﮯ ﮬﻮﺋﮯ ﮬﺮ ﺳﻤﺖ ﺗﺒﺎﮬﯽ ﮐﮯ ﻣﻨﺎﻇﺮ

!ﺍﮮ ﻣﯿﺮﮮ ﺩﻝ
"ﺩﺭﺩ ﮐﯽ ﻟﮯ ﺩﮬﯿﻤﯽ ﺭﮐﮫ"

!ﺍﮮ ﻣﯿﺮﮮ ﺩﺷﻤﻦِ ﺟﺎﻥ
ﻣﺠﮭﮯ ﺟﯿﻨﮯ ﺩﮮ ۔۔۔۔۔۔۔۔۔۔۔۔۔۔۔۔۔۔۔۔

گئے دنوں میں ہم بھی یونہی ہنستے تھے

لڑکی سرکوجھُکائے بیٹھی
کافی کے پیالے میں چمچہ ہلا رہی ہے
لڑکا،حیرت اور محبت کی شدت سے پاگل
لانبی پلکوں کے لرزیدہ سایوں کو
اپنی آنکھ سے چُوم رہا ہے
دونوں میری نظر بچا کر
اک دُوجے کو دیکھتے ہیں ہنس دیتے ہیں !
میں دونوں سے دُور
دریچے کے نزدیک
اپنی ہتھیلی پر اپنا چہرہ رکھے
کھڑکی سے باہر کا منظر دیکھ رہی ہوں
سوچ رہی ہوں
گئے دنوں میں ہم بھی یونہی ہنستے تھے

ﻣﻮﺳﻢِ ﮔﻞ ﮐﺎ آ ﺧﺮﯼ ﭘﯿﻐﺎﻡ

ﺟﺐ ﯾﮧ ﺳﻮﭼﻮ ﮐﮧ ﺑﮭﺮ ﭼﮑﺎ ﮨﮯ ﺩﻝ

ﻣﯿﺮﯼ ﭼﺎﮨﺖ ، ﻣﯿﺮﯼ ﺭﻓﺎﻗﺖ ﺳﮯ

ﺧﻮﺩ ﮐﻮ ﻭﻗﻒِ ﻋﺬﺍﺏ ﻣﺖ ﮐﺮﻧﺎ

ﻟﻤﺒﺎ ﭼﻮﮌﺍ ﺧﻄﺎﺏ ﻣﺖ ﮐﺮﻧﺎ

ﮐﺎﺭﮈ ﺑﮭﯽ ﺍﻧﺘﺨﺎﺏ ﻣﺖ ﮐﺮﻧﺎ

ﺍِﮎ ﺳﻮﮐﮭﺎ ﮨﻮﺍ ﮔﻼﺏ ﮐﺎ ﭘﮭﻮﻝ

ﺑﺲ ﻟﻔﺎﻓﮯ ﻣﯿﮟ ﺑﮭﯿﺞ ﺩﯾﻨﺎ ﺗﻢ

ﻣﯿﺮﯼ ﺗﺸﻨﮧ ﻣﺤﺒﺘﻮﮞ ﮐﮯ ﻧﺎﻡ

-ﻣﻮﺳﻢِ ﮔﻞ ﮐﺎ آ ﺧﺮﯼ ﭘﯿﻐﺎﻡ

اشک آنکھوں میں چھپاتے ہوئے تھک جاتا ہوں

اشک آنکھوں میں چھپاتے ہوئے تھک جاتا ہوں 
بوجھ پانی کا اٹھاتے ہوئے تھک جاتا ہوں

پاؤں رکھتے ہیں جو مجھ پر انہیں احساس نہیں
میں نشانات مٹاتے ہوئے تھک جاتا ہوں

برف ایسی کہ پگھلتی نہیں پانی بن کر
پیاس ایسی کہ بجھاتے ہوئے تھک جاتا ہوں

اچھی لگتی نہیں اس درجہ شناسائی بھی
ہاتھ ہاتھوں سے ملاتے ہوئے تھک جاتا ہوں

غمگساری بھی عجب کار محبت ہے کہ میں
رونےوالوں کو ہنساتے ہوئے تھک جاتا ہوں

اتنی قبریں نہ بناؤ میرے اندر محسن
میں چراغوں کو جلاتے ہوئے تھک جاتا ہوں

Ashk Aankhon Men Chhupatay Huway Thak Jata Hun

Ashk Aankhon Men
Chhupatay Huway Thak
Jata Hun

Bojh Paani Ka Uthaatay
Huway Thak Jaata Hun

Paaon Rakhtay Hain Jo Mujh
Per Unhain Ehsaas Nahi

Mein Nishaanaat Mitaatay
Huway Thak Jaata Hun

Barf Aisi Keh Pighalti Nahi
Paani Ban Kar

Pyaas Aisi Keh Bujhaatay
Huway Thak Jaata Hun

Achi Lagti Nahi Is Darja
Shanasaayi Bhi

Haath Haathon Sey Milaatay
Huway Thak Jaata Hun

Gham Gusaari Bhi Ajab
Kaar-e-Mohabbat Hai Keh
Mein

Ronay Waalon Ko
Hansaatay Huway Thak
Jaata Hun

Itni Qabrain Na Banaao Merey
Andar “Mohsin”

Mein Chiraaghon Ko
Jalaatay Huway Thak
Jaata Hun

ان آنکھوں سے پیار ہے تم کو

ذرا نہ موم ہوا پیار کی حرارت سے

ہمارے پاس گزرے موسموں کی چند یادیں ہیں

مجھے تیری محبت نے بہت بزدل بنا ڈالا

وہ جو ایک خواب سی رات تھی

دعائے سال نو