December Jab bhi aata hai

December Jab bhi aata hai
wo pagli...
phir sey beety mausomo'n ki
talkhiyon ko
yaad karti ha
purana card parhti hai
keh jis main us ney
likha tha
Main Lautoon ga December main

Naey Kapray bnaati hai
wo sara ghar sjaati hai
December k her ik din ko
wo gin gin ker bit'tati hai
junhi 15 guzarti hai
wo kuch kuch toot jati hai
magar phir bi
purani albumo'n ko khol ker
mazi bulati hai !!!

nahi maloom yeh usko
keh beetay waqt ki khushiyan
Bohat takleef deti hain
mehaz dil ko jalati hain...
yunhi din beet jatay hain
December laut jata hai
magar wo Khush feham larki...
dobara sey calendar main
December k maheeny k safhay ko
morr ker, phir sey
Phir sey
December key sehar main
Doob jati hai
keh aakhir us ney likha tha....
Main Lautoon ga December main