meray hamsafar ! teri nazar hain meri umr bhar ki yeh dolatain
meray shair,meri sadaqatain,meri dharkanain,meri chahatain
tujhay jazb kar loon lahu men mein keh firaq ka na rahay khatar
teri dharkanon men utaar doon mein yeh khawab khawab rafaqatain
yeh rida e jaan tujhay sonp doon keh na dhoop tujh ko karri lagay
tujhay dukh na dain meray jeetay gee sar e dasht gham ki tamazatain
meri subha teri sadaa say ho,meri sham teri ziya say ho
yehi tarz e pursish e dil rakhain teri khushbuon ki safaartain
koi aisi bazm e bahaar ho mein jahan yaqeen dila sakuun
keh tera he naam hai fasl e gul,keh tujhi say hain yeh karaamatain
tera qarz hai meray roz o shab,meray pass apna to kuch nhi
meri rooh, meri mataa e fun, meri saans teri amaanatain
Pakistan Rupee Exchange Rate
No comments:
Post a Comment