Dil Kay Sehra Main Koi Aas Ka Jugnu Bhi Nahin
Itna Roya Hoon Keh Ab Aankh Main Aansu Bhi Nahin
Kaasaa-E-Dard Liye Phirti Hai Gulshan Ki Hawa
Meray Daaman Main Teray Pyaar Ki Khushboo Bhi Nahin
Chhin Gaya Meri Nigaahon Sey Bhi Ehsaas-E-Jamaal
Teri Tasvir Main Pehla Sa Woh Jaadu Bhi Nahin
Mauj Dar Mauj Teray Gham Ki Shafaq Khilati Hai
Mujhay Is Silsila-E-Rang Pey Qaabu Bhi Nahin
Dil Wo Kambakht Keh Dharkay Hi Chala Jaata Hai
Yeh Alag Baat Keh Tu Zeenat-E-Pehlu Bhi Nahin
Yeh Ajab Rehguzar Hai Keh Chattaanen To Bahut
Aur Sahaarey Ko Teri Yaad Kay Baazu Bhi Nahin
Pakistan Rupee Exchange Rate
No comments:
Post a Comment