koi mosam to aisa ho
keh jab bichray huwon ki yaad kay jugnoo
chamak kho dain
kisi kay hijar main ronay say pehlay hi
mairi aankhain kabhi so dain
koi mosam to aisa ho !!!
keh jab sub phool ulfat kay
kisi un mit mohabbat kay
meray dil main khilain,per
un main who khushboo na ho baqi
woh khusboo jo tumharay qurb say mehsoos hoti thi
koi mosam to aisa ho !!!
keh dil kay zakham bhar jayen
agar aisa naheen hota to phir
kitna hi acha ho keh sari khawahishain dil ki
woh saaray khawab aur armaan
yun hi ghut ghut kay mar jayen
mujhay azad ker jayen
koi mosam to aisa ho !!!
No comments:
Post a Comment