muhabbat aisa naghma hai

muhabbat aisa naghma hai

zara bhi jhol ho laiy meN

to sur qaayam nahiiN hota

muhabbat aisa shola hai

hava jaisi bhi chalti ho

kabhi maddham nahiiN hota

muhabbat aisa rishta hai

keh jis meN bandhney vaaloN kay

diloN meN gham nahiiN hota

muhabbat aisa pauda hai

jo tab bhi sabz rehta hai

keh jab mousam nahiiN hota

muhabbat aisa rasta hai

ager pairoN meN larzish ho

to yeh mehram nahiiN hota

muhabbat aisa dariya hai

keh baarish ruuThh bhi jaaye

to paani kam nahiiN hota!