Samander Poochta Hai Ab Woh Dono Kiyun Nahi Aatay
Wohi Donon Jo Bheegi Rait Per
Ek Doosray Ka Haath Thaamay Duur Tak
Kabhi Hanstay,Kabhi Kuch Gungunatay
Ya Kabhi Chup Chaap Baithay Duur Ufaq Ki Goad Men
Rooposh Honay Wala Sooraj Dekhtay
Aansoo Bhahatay Loat Jaatay!
Samander Poochta Hai Ab Woh Donon Kiyun Nahi Aatay
Jo Aatayy Thay To Apnay Saath Kitnay Khwab Laatay Thay
Kabhi Sahil Say Dhairon Seepiyaan Chuntay Thay
Nangay Paoon Pani Men Chalay Aatay Thay
Bheegi Rait Say Nannhay Gharonday Bhi Banaatay Thay
Aur Un men Seepiyan,Rangeen Say Kuch Sangraizay Yun Sajatay Thay
Keh Jaisay Aaj Kay Jugnuon say Lamhay
Aanay Walay Kal Ki Muuthi Men Chupaatay Thay!
Samander Poochta Hai Ab Wo Donon Kiyun Nahi Aatay
Mager Samander Nay Khizaan Ki Siskiyan Laiti Hui
Ek Shaam us naujawan Ko Nahi Dekha
Jo Dair Tak Tanha Sar'ey Sahil Raha Baitha
Phir Uss nay Dhair Saarey Khat
Buhat Say Phool Sookhay say Aur Tasveeren
Aur Apnay Aakhri Aansoo
Samander Kay Hawalay Kar diay..
No comments:
Post a Comment