Friday 11 November 2011

Uss waqt ager tum aa jao



Jab shab k shikasta zeeno“n say
Mehtaab ubharney lagta hai

Jab gham k sard alao mein
Umeedein bujhnay lagti hain

Jab dil k shorida samandar mein
Awazein marnay lagti hain

Jab mausam hath nahi aatey
Jab titli baat nahi karti

Jab zinda rehna ik be-mani
Kaam dikhayi deta hai

Jab aaney wala har lamha
Dushman dikhayi deta hai

Jab yaad k gehrey sannatey mein
Chehray gum ho jatey hain

Jab dard sey bojhal aankhon mein
Gardaab sey parrnay lagtey hain

Jab shammein gul ho jati hain
Jab khawab bikharnay lagtey hain

Uss waqt ager tum aa jao.




No comments:

Related Posts Plugin for WordPress, Blogger...
Blogger Wordpress Gadgets