Friday 11 November 2011

Wo gumaan gumaan sa Qayaas sa



Wo gumaan gumaan sa Qayaas sa
kbhi door sa … kbhi paas sa
kbhi chandni main chupa hua
kbhi khushbuon main basa hua
kbhi sirf uski shabahatein
kbhi sirf uski hikayatein
kbhi sirf milney k silsiley
kbhi sirf us sey hain faasley
kbhi door chalti hawaaon main
kbhi meenh barasti ghataaon main
kbhi bad-gumaan … kbhi meherbaan.


kbhi dhoop hai … kbhi sayebaan

kbhi band dil ki kitaab main
kbhi lab kushan wo khwab main
kbhi yun keh jaisey sawal ho
kbhi yun keh jaisey jawab ho
kbhi dekhney k hain silsiley
kbhi sochney k hain marhalay
kbhi sirf rang-e-bahar sa
kbhi sirf ek ghubaar sa

kbhi dastaras k qareeb qareeb
kbhi door … paas … kahin nahi
yeh jo ukhra ukhra sa shaks hai
yeh jo bikhra bikhra sa shaks hai




No comments:

Related Posts Plugin for WordPress, Blogger...
Blogger Wordpress Gadgets