Uski yaad aai hay saanso zara aahista chalo

Roz taaron ki numaaish men khalal parrta hay
Chaand pagal hay andheray men nikal parrta hay

Ek deewana musafir hay meri aankhon men
Waqt bay-waqt thehar jata hay, chal parrta hay

Apni tabeer k chakar men mera jaagta khawab
Roz suraj ki tarah ghar say nikal parrta hay

Roz pathar ki himayat mein ghazal likhtay hein
Roz sheeshon say koi kaam nikal parrta hay

Uski yaad aai hay saanso zara aahista chalo
Dharkanon say bhi ibadat me khalal parta hay