Be-naam raghbat

kisi bhi morr, ya
aglay parraa'o par

juda hi ham ko hona hai
to phir aa'o!

yahee'n apney asaaso'n ko
alag kar lain

yeh jitney zakhm dil 
par hain
idhar meri taraf kar do!

tum aksar mujh sey 
kehtey thay,
yeh sab meri ba'dolat hain!

magar thhehro,
zara tthehro,

yaha'n kuch khawab 
bhi hon gay,
jo mil k ham ney
daikhay thay.......

Suhaanay khawab tum 
rakhh lo!
adhooray sab mujhay
dey do.
K meri you'n bhi aadat hai,

mujhay tooti hui
cheezo'n sey ik
be-naam raghbat hai!