zameen say reh gaya hai door aasmaan kitna
sitara apnay safar men hai khush gumaan kitna
hawa ka rukh dekh ker sumandar say poochna hai
uthaayen ab kashtiyon pay hum badbaan kitna
bahaar men khushbuon ka naam-o-nasab tha jis say
wahi shajar aaj ho gaya bay nishan kitna
giray agar aaina tu aik khaas zaaviye say
wagrna her aks ko rahay khud pay maan kitna
bina kisi aas k usi tarha jee raha hai
bicharnay walon men tha koi sakht jaan kitna
wo log kaya chal sakain gay jo ungliyon pay sochien
safar men hai dhoop kis qadar, saayebaan kitna
Pakistan Rupee Exchange Rate
No comments:
Post a Comment