سارے نقش ہوا نے مٹا دیئے

پُوچھا، تمام خواب کے منظر بُھلا دیئے؟
آیا جواب، قید سے پنچھی اڑا دیئے

پُوچھا، کبھی کبھار کے ملنے سے بھی گئے؟
میں نے کہا، جہان نے پہرے بٹھا دیئے

پُوچھا، زمانے بھر سے رہ و رسم کا سبب؟
میں نے کہا، جناب نے پہرے اٹھا دیئے

پُوچھا، وہ ساحلوں کی کہانی کا کیا بنا؟
بتلایا، سارے نقش ہوا نے مٹا دیئے

جس پل اڑائی راکھ تو پُوچھا، یہ کیا کِیا؟
میں نے بتایا، آپ کے سب خط جلا دیئے

ارمان آسمان کو چھونے کے کیا ہوئے؟
میں نے کہا، زمین کے اندر سلا دیئے