Tumhain jab kabhi milain fursatain, merey dil sey bojh utaar do
main bohat dinon sey udaas hoon mujhey koi shaam udhaar do
mujhey apnay roop ki dhoop do keh chamak sakain meray khaal o khad
mujhey apnay rang men rang do, merey zang saaray utaar do
kisi aur ko meray haal sey na gharz hai koi na waasta
main bikhar gaya hoon samait lo, main bigarr gaya hoon sanwaar do
meri vehshaton ko barha diya hai judaiyon k azaab ney
merey dil pey haath rakho zara, meri dharkanon ko qaraar do
tumhain subha kaisi lagi meri, meri khwahishon k dayar ki
jo bhali lagi to yahin raho, isay chaahton sey nikhaar do
wahan ghar men kon hai muntazir keh ho fikr dair sawair ki
bari mukhtasir si yeh raat hai isi chandni men guzaar do
koi baat karni hai chand sey kisi shaakhsaar ki oat men
mujhey raastay main yahin kahin kisi kunj e gul main utaar do
Pakistan Rupee Exchange Rate
No comments:
Post a Comment