isii ehatiyaat men main rahaa, isi ehatiyaat men vo rahaa

merey saath tum bhi dua karo yun kisi k haq men bura na ho
kahin aur ho na yeh haadsa koi raastay men judaa na ho

merey ghar sey raat ki sej tak vo ik aansu ki lakir hai
zaraa barh k chaand sey puuchna vo isi taraf seu gayaa na ho

sar-e-shaam Thehari hui zamin, aasman hai jhuka hua
isi morr par merey vaastey vo chiraagh ley kar kharra na ho

vo farishtay aap hi Dhoondiye kahaniyon kii kitaab men
jo buraa kahain na buraa sunain koi shaKhs un sey Khafa na ho

vo visaal ho keh firaaq ho teri aag mahakey gii ek din
vo gulaab ban k khiley gaa kayaa jo chiragh ban k jalaa na ho

mujhey yun lagaa keh Khaamosh Khushbu k hont titali ney chhuu liye
inhi zard patton ki oaT men koi phool soyaa huaa na ho

isii ehatiyaat men main rahaa, isi ehatiyaat men vo rahaa
vo kahan kahan merey saath hai kisi aur ko yeh pata na ho