Raat Bhar Koii Tanha Sisakta Raha

Raat Kat'ti Rahi Chaand Dhalta Raha
Aatish -e- Hijar Men Koii Jalta Raha

Ghar Ki Tanhaiyan Dil Ko Dasti Rahin
Koii Be Chain Karwaten Badalta Raha

Aas -o- Umeed Ki Shama Roshan Rahi
Ghar Ki Dehleez Ko Koii Takta Raha

Raat Bhar Chaandni Gungunati Rahi
Raat Bhar Koii Tanha Sisakta Raha

Ashk Palkon Pay Aa Kay Bikhartay Rahay
Naam Lab Pay Kisi Ka Larazta Raha

Aaj Phir Raat Basar Ho Hi Gaii
Aaj Phir Koii Khud Say Ulajhta Raha