Kabhi yun bhi aa meri aankh men keh meri nazar ko khabar na ho
Mujhey ek raat navaaz dey magar us k baad sehar na ho
Vo barra raheem-o-kareem hai mujhey yeh sifat bhi ataa karey
Tujhey bhoolney ki duaa karun to duaa men meri asar na ho
Merey baazuon men thaki thaki , abhi mehav-e-khvaab hai chandni
Na uthey sitaron ki paalki, abhi aahaton kaa guzar na ho
Vo firaaq ho yaa visaal ho, teri yaad mehakay gi ek din
Vo gulab ban k khiley ga kayaa, jo chirag ban k jalaa na ho
Kabhi dhoop dey, kabhi badaliyan, dil-o-jaan sey donon qubool hain
Magar us nagar men na qaid kar jahan zindagi ki havaa na ho
Kabhi din ki dhoop men jhoom k kabhi shab k phool ko choom k
Yun hi saath saath chalein sadaa kabhi khatm apnaa safar na ho
Merey paas merey habib aa zara aur dil k qareeb aa
Tujhey dharkanon men basaa luun main keh bicharney ka kabhi darr na ho
Pakistan Rupee Exchange Rate
No comments:
Post a Comment