Ab To Hum Log Gaye Deeda Bekhuwaab Sey Bhi

Dil Behelta Hai Kahan Anjum-O Mahtaab Sey Bhi
Ab To Hum Log Gaye Deeda Bekhuwaab Sey Bhi..

Ro Para Hoon To Koi Baat Hi Aisi Hogi,
Main Keh Waaqif Tha Teray Hijr K Aadaab Sey Bhi..

Kuch To Us Aankh Ka Shewa Hai Khafa Ho Jana
Aur Kuch Bhool Hui Hai Dil-E-Betaab Sey Bhi..

Aye Samandar Ki Hawa Teray Karam Bhi Maloom
Piyas Sahil Ki To Bujhti Nahi Sailaab Sey Bhi..

Kuch To Us Husn Ko Janay Hai Zamana Sara..!!
Aur Kuch Baat Chali Hai Mery Ahbaab Sey Bhi..