Main tujh sey door rahoon ga, mujhey reha kar dey

Khumar shola-e-hasti ko jo fana kar dey
Humain wo zehr-e -mohabbat kahin sey la kar dey..

Kiya hai qaid teri qurbaton k mausom ney
Main tujh sey door rahoon ga, mujhey reha kar dey..

Mujhey tha khauf kahin door tum na ho jaao,
Tujhey tha dar keh khuda kam na faasla kar dey..

Ya bakhsh dey tu mujhey har khushi zamaney ki,
Ya merey gham ko nayi zindgi ataa kar dey..

Hazaar baar mera jism khaak Par tarrpa,
Usay thi zid keh mujhey rooh seyjuda kar dey..!!