آج بعد مدت کے میں نے اُس کو دیکھا ہے

آج بعد مدت کے

میں نے اُس کو دیکھا ہے

وہ ذرا نہیں بدلی

اب بھی اپنی آنکھوں میں

سو سوال رکھتی ہے

چھوٹی چھوٹی باتوں پہ

اب بھی کھل کے ہنستی ہے

اب بھی اُس کے لہجے میں

وہ ہی کھنکھناہٹ ہے

وہ ذرا نہیں بدلی

اب بھی اُس کی پلکوں کے

سائے گیلے رہتے ہیں

اب بھی اُس کی سوچوں میں

میرا نام رہتا ہے

اب بھی میری خاطر وہ

اُس طرح ہی پاگل ہے

وہ ذرا نہیں بدلی

آج بعد مدت کے

میں نے اُس کو دیکھا ہے

تو مجھے بھی لگتا ہے

میں بھی اُس کی چاہت میں

اُس طرح ہی پاگل ہوں

بعد اتنی مدت کے

اور کچھ نہیں بدلا

جُز ہمارے رستوں کے

اور کچھ نہیں بدلا