Khawab Ki Aik Nazam

Chalo hum seepiyan chun'nay kisi sahil pay chaltay hain

Jahan paaon k neechay rait ki halki si larzish....muskurati ho

Hawa ki narmiyon men...tittliyon ki doliyan utrain

kisi nanhay say bachay ki siyah maasoOm aankhain be-yaqeeni say,

samandar k sulagtay paniyOn say baat karti hon

Jahan par dil, mohabbat k gharondon ki naee taameer kartay hon

Duaa'on aur wafaa'on k hunar taskheer kartay hon

Yo0n hi athkailiyaan kartay huye, aabi parinday geet gaatay hon

Darakhton par bikharti shaam ki, gehri mundairon par

diye say jhilmilatay hon

Jahan par doOr tak..wo baadbanon say saji sab kashtiyaan

lehron pay jaisay raqs karti hon

Aur apni mastiyon men hoslon ka ism parr'hti hon

Inhi mehkay gulabi mousmO'n men khawab k manzar sajaanay ko

Sunehri khushbo'on ki barishon men bheeg jaanay ko

Chalo na.. Hum bhi chaltay hain !

Ab apnay khouf ki dehleez say baahir nikaltay hain

Chalo hum seepiyaan chun'nay kisi saahil pay chaltay hain

چلو ہم سیپیاں کسی ساحل پہ چلتے ہیں

جہاں پاؤں کو چھُو کر ریت کی ہلکی سی لرزش

مسکراتی ہو

جہاں ننھے سے بچے کی سیہ معصوم آنکھیں

بے یقینی سے

سمندر کے رُوپہلے پانیوں سے بات کرتی ہوں

جہاں پر دل محبت کے گھروندوں کی نئی تعمیر کرتے ہوں

دعاؤں اور وفاؤں کے ہنر تسخیر کرتے ہوں

جہاں اٹھکیلیاں کرتے ہوۓ آبی پرندے گیت گاتے ہوں

درختوں پر اترتی شام کے مخمور ساۓ میں

دئے سے جھلملاتے ہوں

جہاں پرمستیوں کے گیت گاتی کشتیاں لہروں پہ جیسے

رقص کرتی ہوں

اور عشق و آگہی کی روشنی کا اِسم پڑھتی ہوں

اُنہی مہکے گلابی موسموں میں خواب کے منظر سجانے کو

سنہری خوشبوؤں کی بارشوں میں بھیگ جانے کو

چلو نا !

ہم بھی چلتے ہیں

اب اپنے خوف کی دہلیز سے باہر نکلتے ہیں

چلو ہم سیپیاں چننے کسی ساحل پہ چلتے ہیں