عشق کا چل کسی اجڑے سے ادب پوچھتے ھیں

چھین کر خواب مرے مری طلب پوچھتے ھیں
رات بھر نیند نہ آنے کا سبب پوچھتے ھیں

بارشیں ‌آنکھ کی معیوب نہ ہوتی ھوں کہیں
عشق کا چل کسی اجڑے سے ادب پوچھتے ھیں

تیرہ راتوں میں بھلا کیسے جیا جاتا ھے
میری قاتل بھی تو اب مجھ سے یہ ڈھب پوچھتے ھیں

اپنے شجرے کو بھی ہمراہ لئے چل رسما"
جنگ سے قبل یہاں نام و نسب پوچھتے ھیں

چارہ سازوں نے تو اب سمت بدل لی عامر
آو بازار میں‌بکتے ھوئے لب پوچھتے ھیں