Kuch ranj na koi be qarari
Dil par hai ajab sakoot taari
Takseem to ho rahi hai raahat
Aati hi nahin hai meri baari
Ulfat mein tha sehal jaan dena
Ik cheez yehi thi ikhteyari
Dil dard mein doobta tha lekin
Aankhon say huway na ashk jaari
Sab choom kay piichhay hat gaey thay
Pathar tha wafa ka sakht bhaari
Dushman ki sipaah bhi thi shashdar
Iss shaan say main nay jang haari
Afsos tha pichlay mosamon ka
Yeh rutt bhi mili to intazaari
Jab ban gaya aasman, samander
Saahil pay buss aik shab guzari
Iss baar na bach sakay gi shayad
Chahat ko laga hai zakham kaari
Pakistan Rupee Exchange Rate
No comments:
Post a Comment