Na bujha chiragh-e-dayaar-e-dil, na bichrnay ka tu malaal kar,
Tujhay day gi jeene ka hosla, meri yaad rakh lay sambhaal kar,




Yeh bhi kaya keh ek hi shakhs ko kabhi sochna, kabhi bhoolna,
Jo na bujh sakay wo diya jala, jo na ho sakay wo kamaal kar,




Gham-e-aarzu meri justju, mein simatt kay aa gaya ru-baru,
Yeh sukoot-e-marg hai kis liye? mein jawab doon tu sawaal kar,




Tu bichhar raha hai to soch lay, teray haath hai meri zindgi,
Tujhay rokna meri moat hai, meri be`basi ka khayal kar,


Meray dard ka, meray zabt ka, meri be-basi, meray sabr ka,
Jo yakeen na aaye to dekh lay, tu hawa mein phool uchaal kr..!!