Nahi keh milnay milanay ka silsila rakhna
Kisi bhi sat'ha pay koi to rabta rakhna
marain gay log hamaray siwa bhi tum pay bohat
yeh jurm hai to phir is jurm ki saza rakhna
Madad ki tum se tawaqqo to khair kya hogi
Gharib e shehar e sitam hoon mera pata rakhna
bas aik shaam hamen chaahiay,na poochna kyun?
yeh baat kisi aur shaam pay utha rakhna
Naye safar pay rawana hua hoon az sar e nau
Jab aaun ga to mera nam bhi naya rakhna
Faseel e shoq uthana, Zafar zaroor magar
Kisi taraf say nikalnay ka raasta rakhna
Pakistan Rupee Exchange Rate
No comments:
Post a Comment