mein baat karuun tujh say aur shaam utar aaey

کاجل تیری آنکھوں کا میری آنکھوں میں دَر آئے

میں بات کروں تجھ سے اور شام اتر آئے

kaajal teri aankhon ka meri aankhon men dar aaey
mein baat karuun tujh say aur shaam utar aaey

کچھ روز تلک آنگن بھیگا ہوا رہتا ہے

بادل کی سی شال اوڑھے جب تو میرے گھر آئے

kuch roz talak aangan bheega hua rehta hai
baadal ki si shawl orrhay jab tu meray ghar aaey

ہم دیکھتے ہیں تجھ کو بارش کے مہینوں میں

بھیگے ہوئے بالوں میں تو اور نکھر آئے

hum dekhtay hain tujh ko barish kay maheenon men
bheegay huay baalon men tu aur nikhar aaey

یہ لوگ میرے دل کو پیارے ہیں بہت لیکن

اس شہر سے کچھ پہلے تو مجھ کو نظر آئے

yeh log meray dil ko pyaray hain bohat lekin
is shehar say kuch pehlay tu mujh ko nazar aaey

جس ہاتھ پہ دھرنا تھی قندیلِ حنا ہم کو

ہم اپنی سیاہی بھی اس ہاتھ پہ دھر آئے

jis haath pay dharna thi qindeel e hina hum ko
hum apni sayahi bhi us haath pay dhar aaey

سر پھوڑتی پھرتی تھی رخصت کی ہوا ہر سُو

سو ہم تیرے کوچے سے چپ چاپ گزر آئے

sir phorti phirti thi rukhsat ki hawa her suu
so hum teray koochay say chp chaap guzar aaey

سر سبز شجر تجھ کو گھیرے ہوئے رہتے ہیں

ہاں یاد یہ پیلا سا دل تجھ کو اگر آئے

sarsabz shajar tujh ko ghairay huay rehtay hain

haan yaad ueh peela sa dil tujh ko agar aaey