Har aik lamha shab-e-gham hai kya kiya jaaye
Umeed-e-subha boht kam hai kya kiya jaaye

Samo liye hain zamane kay gham tabasum nay
Zamana is pay bhi barham hai kya kiya jaaye

Azeem tar hai ibadat SHABBAB mein lekin
Yahi GUNAH ka mosam hai kya kiya jaaye

Tumhari yaad mein aalam ko bhool bethay hain
Tumhi batao yeh aalam hai kya kiya jaaye

Gunahgar-e-Mohabbat sahi magar ay dost
Gunah fitrat-e-Adam hai kya kiya jaaye?