her dard men taskeen ka ehsaas bhi tum ho

mera saawan bhi tum ho,meri payaas bhi tum ho
sehra ki baanhon men chhupi aas bhi tum ho


tum yun to bohat door,bohat door ho mujh say
ehsaas yeh hota hai meray pass bhi tum ho


her zakhm ki aaghosh men hai dard tumhara
her dard men taskeen ka ehsaas bhi tum ho


kho jaao to veeraan si ho jati hain raahen
mil jaao to phir jeenay ka ehsaas bhi tum ho


likhta hoon to tum he utartay ho qalam say
parhta hoon to lehja bhi tum,awaaz bhi tum ho