azaab e hijr barrha loon agar ijazat ho
ik aur zakhm kha loon agar ijazat ho
tumharay aaraz o lab ki judai kay din hain
mein jaam munh say laga loon agar ijazat ho
tumhara husn tumharay khayal ka chehra
shabahaton men chhupa loon agar ijazat ho
tumhi say hai meray her jhavab e shoq ka rishta
ik aur khavab kamaa loon agar ijazat ho
thaka diya hai tumharay firaaq nay mujhay
kahin mein khud ko gira loon agar ijazat ho
bra'aey naam b'naam shab e visaal yahaan
shab e firaaq manaa loon agar ijazat ho
Pakistan Rupee Exchange Rate
No comments:
Post a Comment