jeenay ki ik umang meray pass to rahi
kuch dair ko sahi yeh khushi raas to rahi
yaadon kay asaasay hain meray pass bohat say
kuch waqt guzari ki mujhay aas to rahi
yeh kesa jaam tha jisay peenay kay baad bhi
saansen hueen bahaal magar pyas to rahi
kis ki mujhay talash thi wo he na mil saka
logon ki warna nazar e karam khaas to rahi
maano keh dil kisi pay bhi aaya nhi kabhi
haalankeh wasl rut bhi meray pass to rahi
khushbu teri bichhar kay bhi tujh say meray habib
bun kar teray wajood ka ehsaas to rahi
Pakistan Rupee Exchange Rate
No comments:
Post a Comment