Yeh weham nahi to kaya hai, yeh gumaaN nahi to kaya hai

Yeh weham nahi to kaya hai, yeh gumaaN nahi to kaya hai
yeh jo dil say utth raha hai, yeh dhuwaaN nahi to kaya hai


tujhey kis dard ka rishta merey dar pay kheyNch laaya
tujhey kis ney keh diya tha merey paas har dawaa hai


terey kisi dukh ka chaaraa merey haath meiN nahi hai
meiN to khud bekaraaN hooN merey paas kaya dharaa hai


abhi bastiyaaN yaheeN heiN, tu loat jaa yaheeN say
merey saath saath na chal tu, yeh bohat barra juwa hai


tujhey kya khabar ay hamdam keh teri aarzu kay badly
merey dil pay jo laga tha, ab tak woh zakhm haraa hai


par gila nahi hai tujh say, merey khaloos meiN hi kami hai
mein nay jisey bhi dil say chaaha, usey laga keh wo khuda hai


meiN koi waaqeya nahi hooN, mujhey is tarha na socho
meri daastaaN ko chorro, bhala is meiN kya maza hai


tu laot kay aa gayaa hai, par mera dil to bujh chuka hai
ab tu kisi aur say pyaar kar ley, bas yehi teri sazaa hai