beKhvaab sa''aton kaa parastaar kaun hai
itanii udaas raat men be'daar kaun hai
kis ko yeh fiqr keh qabiiley ko kyaa huaa
sab is pey larr rahey hain keh saradaar kaun hai
diivaar par sajaa to diye baaGhiyon k sar
ab yeh bhii dekh lo keh pas-e-diivaar kaun hai
sab kashtiyaaN jalaa k chaley saahilon sey ham
ab tum ko kyaa bataayeN keh us paar kaun hai
yeh faisalaa to shaayad vaqt bhii na kar sakey
sach kaun bolataa hai adaakaar kaun hai
Pakistan Rupee Exchange Rate
No comments:
Post a Comment