December Ki Aakhri Shab

Aaj December ki aakhri shab mei

Shab-e-Tanhai mei

Apney Tayris pey khari kafi dair sey

mein

Chodhwiin k Chaand ko dekh rahi thi

jis ki chaandni mei

mein bheeg gayi..

aur uss manzer mei itni doob gayi

keh !!

mujhey khabar bhi na ho saki

keh kab

us ney meri bikhri zulfon ko sameta tha

aur . . .

chupkey sey kaanon men sargoshi ki thi !!

apni muhabbat ka izhaar kiya tha

mujhey Ehd-e-Wafa men baandh ker gaya tha

Woh lamha itna haseen tha

keh ,,

Haya Sey meri palkain jhuk si gayii thiin..

Pichley Saal December ki aakhri shab aisi hi thi. .

Aur Aaj bhi

December ki aakhri shab hai

aur mein soch rahi hoon

keh !!!

Aaj wo kis k saath ho ga……?

Keh Aaj wo……..

Kis ko apni wafa ka yaqeen dila raha ho ga.