Merey qaatil, merey dildaar

merey qaatil, merey dildaar, merey paas raho
jis ghari raat chaley
aasmaanon ka lahu pee kar siyah raat chaley
marham-e-mushk liye nashtar-e-almaas chaley
bain karatii hui, hansti hui, gaatii nikley
dard kii kaasni paazeb bajaatii nikley
jis ghari seenon men doobtey huye dil
aastinon men nihaan haathon ki rah takney nikley
aas liye
aur bachchon k bilakney ki tarah qul-qul-e-may
bahr-e-na'asudagi machley to manaye na maaney
jab koi baat banaaye na baney
jab na koi baat chaley
jis ghari raat chaley
jis ghari maatmii, sun-saan, siyah raat chaley
paas raho
merey qaatil, merey dildaar, merey paas raho

میرے قاتل، میرے دلدار

تم میرے پاس رہو 

میرے قاتل، میرے دلدار، میرے پاس رہو 

جس گھڑی رات چلے 

آسمانوں کا لہو پی کر سیاہ رات چلے 

مرہمِ مشک لئے نشترِ الماس چلے 

بین کرتی ہوئی، ہنستی ہوئی، گاتی نکلے 

درد کی کاسنی پازیب بجاتی نکلے 

جس گھڑی سینوں میں ڈوبتے ہوئے دل 

آستینوں میں نہاں ہاتھوں کی راہ تکنے نکلے 

آس لئے 

اور بچوں کے بلکنے کی طرح قلقلِ مئے 

بہارِ ناآسودگی مچلے تو منائے نہ منے 

جب کوئی بات بنائے نہ بنے 

جب نہ کوئی بات چلے 

جس گھڑی رات چلے 

جس گھڑی ماتمی،سنسا ن، سیاہ رات چلے 

پاس رہو 

میرے قاتل، میرے دلدار، میرے پاس رہو