Aaj bhi chehra-e-khursheed hai zard

Takht hai aur kahani hai wohi...
Aur saazish bhi purani hai wohi....

Qazi-e-shehr ney qibla badla.....
Laikin khut'bey men rawani hai wohi....

Khaima kash ab k zara dekh k ho.....
Jis pey pehra tha, yeh paani hai wohi....

Aaj bhi chehra-e-khursheed hai zard........!!!
Aaj bhi shaam suhani hai wohi...!!!!!!

Badley jaatey hain yahan roz tabeeb....
Aur zakhmon ki kahani hai wohi....

Hujla e ghum yoon hi araasta hai.....
Dil ki poshaak shaahani hai wohi.....

Sheher ka sheher yahan doob gaya...
Aur darya ki rawani hai wohi....