Beetay dinon kii yaadon men

Tumhari tasveer ko dekh ker
dil men kaii khayal aatey hain
palkoon pey rakhey aansu
khud hi chalak jaatey hain
issey apni qismat kahoon ya
tumahri be-rukhii
dil men kaii sawal aatey hain
mager jawab gum ho jaatey hain

Beetay dinon kii yaadon men
mein jo pal pal merta hoon
kaya tum bhi unko yaad kerti ho
kaya tum bhi meray liye tarapti ho
dil baar baar sawal kerta hai
kaya mujh sey milney ka israar kerta hai
tum dil ko kaisey manaati ho
kaisey mujhko bhulla paati ho

Khud ko kaisey meri nazroon sey chupati ho
meri baahon k baghair kaisey simat paati ho
unhi raahon per sey merey baghair kaisey guzar jati ho
saanson ko kaya batati ho,dil ko kaya samjhaati ho
nazron ki be'chaini kaisey duur ker paati ho
honton ki be-bassi kissey batati ho
mein to qismat men nahi hon kaya yeh jan ker bhi
merey liye tum dil men ab bhi intezar key diye jalati ho