Kisi ka ishq kisi ka khayal thay hum bhi
Gaye dinon men bohat ba kamal thay hum bhi.
Hamari khoj main rehti theen titliyan aksar
Keh apny shehar ka husn o jamal thay hum bhi
Zamin ki gaud men sir rakh k so gaey aakhir
Tumharay hijr men kitnay nidhal thay hum bhi,
Zarooraton ney hamara zamir chaat liya,
Wagerna,qaayel-e-rizq-e-halal thay hum bhi.
Hum aks aks bikherty rahay isi dhunn men,
Keh zindgi men kabhi la zawaal thay hum bhi
Pakistan Rupee Exchange Rate
No comments:
Post a Comment