rudaad e muhabbat kaya kahi'ay kuch yaad rahi kuch bhool gaey
do din ki musarrat kaya kahi'ay kuch yaad rahi kuch bhool gaey
jab jaam diya tha saqi nay jab daur chala tha mehfil men
ik hosh ki saa'at kaya kahi'ay kuch yaad rahi kuch bhool gaey
ab waqt kay nazuk honton par majrooh tarranum raqsaan hai
baydaad mashiyat kaya kahi'ay kuch yaad rahi kuch bhool gaey
ehsaas kay maykhaanay men kahan ab fikr o nazar ki qandeelain
aalaam ki shiddat kaya kahi'ay kuch yaad rahi kuch bhool gaey
kuch haal kay andhay sathi thay kuch maazi kay ayyaar saj'an
ehbaab ki chahat kaya kahi'ay kuch yaad rahi kuch bhool gaey
kaanton say bhara hai daaman e dil shabnam say sulagti hain palkain
phoolon ki sakhaawat kaya kahiay kuch yaad rahi kuch bhool gaey
ab apni haqeeqat bhi saaghar bay raby kahani lagti hai
duniya ki haqeeqat kaya kahi'ay kuch yaad rahi kuch bhool gaey
Pakistan Rupee Exchange Rate
No comments:
Post a Comment