Teri mushkil na barhaaun ga chala jaaun ga,
Ashk aankhon men chupaaun ga chala jaaun ga,
Apni dahleez pey kuch dair para rehnay dey
Jaisy he hosh men aaun ga chala jaaun ga,
Mudatton baad mein aaya hun puranay gahr men
Khud ko ji bhar k rulaaun ga chala jaaun ga,
Un mahallaat sey kuch bhi nhi lena mujh ko
bus tumhain daikhnay aaun ga chala jaaun ga,
Chund yaadain mujhay bachon ki terha pyari hain "IRFAN"
unko seenay sey lagaaun ga chala jaaun ga."..
Pakistan Rupee Exchange Rate
No comments:
Post a Comment