Darwaaza khula rakhna

Dil dard ki shiddat say khoon gushta-o-see parah
Iss sheher men phirta hay ek wehshi aawarah
Shayar hay keh aashiq hay,jogi hay keh banjara

Darwaaza khula rakhna

Seeney sey ghata uthay,aankhoon sey jharri barsey
Phaagun kaa nahin baadal,jo chaar gharri barsey
Barkha hay yeh bhaadon ki,barsey tou barri barsey

Darwaaza khula rakhna

Aankhoon men tou ek aalam,aankhoon men tou dunya hey
Honton peh magar mohrein,munh sey kuch nahin kehta hey
Kis cheez ko kho betha hey,kiya dhoondney nikla hey???

Darwaaza khula rakhna.

Haan tham mohabbat ki gar thaam sakay dori......
Saajan hay tera saajan,abb tujh sey tou kaya chori
Yeh jiss ki mana'di hey basti men teri gori..........

Darwaaza khula rakhna.

Shikwon ko utha rakhna,aankhoon ko bicha rakhna
Ek shamma dareechay ki chokhat peh jala rakhna
Maayus naa phir jaaye,haan paas-e-wafa rakhna

Darwaaza khula rakhna.