Adawaten theen, Taghaful tha, Ranjishen theen magar

Woh humsafar tha magar usay hum-nawai na thi
Keh dhoop chhaaon ka aalam raha, judai na thi


Adawaten theen, Tagaful tha, Ranjishen theen magar
Bicharney waalay men sab kuch tha magar Bewafai na thi


Bichartay waqt un aankhon men thi hamari Ghazal
Ghazal bhi woh jo kabhi kisi ko sunai na thi


Kisey pukaar raha tha woh doobta hua din
Sadaa to aayi thi lekin koi duhai na thi


Kabhi yeh haal keh dono men yak-dili thi rahi
Kabhi yeh merhala jesey keh AASHNAI na thi