kaii dinon say kisi waswasay ki zadd men hoon

 

kaii dinon say ik awaaz mujh men goonji nahi

kaii dinon say koi mujh main rat’jaga na hua

kaii dinon say saama’at ki rehguzaaron per

na koi chand hi utra na koi phool khila

kaii dinon say yeh aankhen hain neend say bojhal

kaii dinon say hain’ baynoor dard k chhaagal

kaii dinon say badan chandni men jalta hai

kaii dinon say yeh din mujh men Aa kay dhalta hai

kaii dinon say kisi waswasay ki zadd men hoon

kaii dinon say ajab wehshaton ki hadd men hoon

kaii dinon say khayalon kay taaq-e- hijra’n per

kisi kay naam ka rakha diya jalata hoon

dil-e-afsurda ko chupkay say gudgudata hoon

kaii dinon say yehi kaar-e-ishq jaari hai

kaii dinon say ajab dil ko beyqarari hai !!!!!!