Udaasioon ka sabab jo likhna

Udaasioon ka sabab jo likhna,

to ye bhi likhna,

keh chand taaray,

shahaab ankhien badal gaye hain,

wo zinda lamhay jo teri raahon mein,

tere anay kay muntazir thay,

wo thak kay saaeyon mien dhal gaye hain,

wo teri yaadien, khayal teray,

wo ranj teray, malaal teray,

wo teri ankhein, sawal teray,

wo tum say mere tamaam,

rishtay bichar gaye hain,

ujarr gaye hian,

udaasioon ka sabab jo likhna,

to ye bhi likhna,

lerztay honton pe larrkharrati,

dua kay soraj,

pighal gaye hain,

tamaam sapnay he jal gaye hain,