aakhri baar jo mil kar mujhay waapis lauto

jheel k aakhri kinaray par

woh jahan shaam doob jaati hai

aakhri baar aa kar milnay aa jaoo

aakhri baar jo aao milnay

tum ussi rang k kapray pehno

jis ko ab say kaee barson pehlay
pehnay aaii thin yeh kehnay mujh sey

dil kii gehraee sey chahat hai tumhain

be-panha mujh sey
mohabbat hai tumhain

tujh ko maloom nhi hai shayed

terey kapron k sabhi rang to ay jaan e jahan
merey jeevan k shab-o-roz men dar aaye thay

aakhrii baar jo aao

to usi rang k kapray pehno

or usi dhang sey dekho mujh ko

jis men umeedain thin chaao thay

mohabbat k jahan bastay thay
aakhri baar jo aao,wohi tohfa laao

wohi jo pehli mulakat par tum laaii thin

apni chahat ka mehakta tohfa

naram hontoon ka dehakta tohfa

aakhri baar kuch is tarha milnay aao

keh kahin aankh men,lab par
koi weerani na ho

main bhi waisey hi miloonga,unhi jazboon ko liye

jin sey is dil k kabhi bandhan thay

jo kabhi mujh men kahin roshan thay

jheel k akhri kinaray par

woh jahan shaam doob jaati hai

aakhri baar jo mil kar mujhay waapis lauto

to kuch is tarha lot jana

KITNI HI SADIYOON K JAZBAT
MEN AABAD RAHAY

MARTAY DAM TAK YEH
MULAQAT HUMAIN YAAD RAHAY.....!!